Il cumün da Segl ho üna gruppa da gö chi vain purteda  ed organiseda dal cumün.
La gruppa da gö ho la lezcha da s-chaffir ün lö da s’imprender a cugnuoscher e da sviluper cun differentas activiteds, gös da gruppa e gö liber mno las cumpetenzas socielas, motoricas e da las linguas da scoula rumauntsch e tudas-ch.

La gruppa da gö vain mneda in möd structuro cun adüna darcho progets e blocs tematics scu per exaimpel: pumpiers, bain puril, pulizia, Nadel, Chalandamarz,…

La gruppa da gö vo regulermaing our aint il liber a giuver (god, plazza da scoula) per promouver la relaziun culla natüra, la creativited aint il liber e la motorica.

Ils iffaunts in lur terz an da vita haun la pussibilted da visiter la gruppa da gö üna vouta l’eivna per 2 uras. L’import annuel pels genituors es fr. 400.-.

Ils iffaunts in lur quart an da vita paun visiter la gruppa da gö duos voutas l’eivna per adüna 2 uras. L’import annuel pels genituors es fr. 600.-

Tuot ils iffaunts chi sun annunzchos a Segl clappan automaticamaing da prümavaira ün talun d’annunzcha.

Per infurmaziuns ulteriuras As sto Elvira Krieg, la mnedra da la gruppa da gö, gugent a disposiziun suot il seguaint numer :

Mnedra

Elvira Krieg
Tel. +41 (0)79 587 75 82

Promuziun da lingua

Per la promoziun da lingua rumauntsch es integro illa gruppa da gö il program "Wunderfitz und Redeblitz". 
El vain mno da Simone Pedrun Gutgsell.

Link: https://wunderfitzundredeblitz.ch/kursorte/

[nbsp]

Kursorte – Wunderfitz und Redeblitz Kursorte Alvaneu Arosa Bever Celerina Chur Danis Davos Disentis / Segnas Domat/Ems Felsberg Filisur Flims Igis/Landquart Ilanz Klosters Laax Lantsch/Lenz Lenzerheide Pontresina Sagogn Samedan Segl Maria Silvaplana St. Moritz Savognin/Surses Trun Valbella Zernez Zizers Zuoz Altdorf Andermatt Erstfeld Arth/Goldau Küssnacht Goldach Rorschach wunderfitzundredeblitz.ch